Milani nuk do ta gjobisë Ibrahimovicin pas episodeve në ndeshjen ndaj Interit

10:41 | 28 Janar 2021
Arbresh.info

Zlatan Ibrahimovic thuhet se nuk do të gjobitet nga klubi i tij, Milani, ndërsa ka vazhduar të mbrojë veten në mediat sociale.

Gazeta Corriere della Sera raporton se Ibrahimovic dhe Romelu Lukaku po presin vendimin nga gjykatësi sportiv pas sjelljeve jo-sportive të martën mbrëma në kuadër të Coppa Italia.

Sulmuesi suedez dhe Lukaku u përfshinë në një përleshje në fund të pjesës së parë të Derby della Madonnina, ku gjyqtari ndëshkoi të dy me të verdhë, ndërsa në pjesën e dytë Zlatan e mori të kuqin.

U raportua se mes tyre pati fyerje racore, fetare dhe familjare, ndërsa lojtarët janë në pritje të vendimit.

Por, drejtuesit e Rossonerëve thuhet se kanë vendosur të mos e gjobisin suedezin, edhe pse ishte arsyeja kryesore e humbjes së ekipit në derbi ndaj Interit.

Ndryshe, Ibrahimovic ka mohuar zërat se ka përdorur fjalë raciste, ndërsa në mbrojtje të tij ka dalë edhe ish-bashkëlojtari i tij, Paul Pogba. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm